Almatyda Artsportqa qatysty qylmystyq shemalar anyqtaldy
Almaty prokýratýrasynyń málimetinshe, 2021 jyldyń mamyr aıynan bastap Almatyda baǵdarlamany júzege asyrýǵa 12,8 mlrd teńge bólingen. Tekserýdiń aldyn ala nátıjesi boıynsha bıýdjet qarajatyn jymqyrýdyń qylmystyq shemalar belgili boldy.
Atap aıtqanda, elden tys jerde, aýrýhanada bolǵan jáne sektsııalar men úıirmelerge múldem qatyspaǵan 2000-nan astam balaǵa oryndalǵan jumystar aktileri usynyldy. Ótkizilgen sabaqtardyń sany 5000-nan asady. Tek 935 «Artsport» qatysýshysy is júzinde sport mektepterinde aınalysady. Sondaı-aq balalarmen jumys isteıtin, buryn sottalǵan jáne túrli qylmystar úshin jaýapqa tartylǵan 13 jattyqtyrýshy anyqtaldy. Bul rette eńbek sharttaryn jasaspaǵan, zeınetaqy aýdarymdary júrgizilmegen jattyqtyrýshylarǵa qatysty eńbek quqyqtaryn buzylǵan. Budan bólek, «Artsport» platformasynyń fýnktsıonalynyń jumysynda da eleýli olqylyqtar anyqtaldy. Ol memlekettik organdardyń aqparattyq júıelerimen biriktirilmegen, balalardyń derbes derekteri qorǵalmaǵan, basqa da kemshilikter bar.
«Atalǵan faktiler boıynsha qala prokýratýrasy alaıaqtyq faktisi boıynsha qylmystyq is qozǵady. Birqatar materıaldar protsestik sheshim qabyldaý úshin qylmystyq qýdalaý organdaryna berildi»,- dep habarlady prokýratýra.
