Almatyda Art-shyrsha jaǵylady
ALMATY. QazAqparat - Almatyda qala birlestikteriniń «Sherý kezeńi» sharasy aıasynda Art-shyrshaǵa ot jaǵylady, dep habarlaıdy QazAqparat tilshisi.
Aıta ketý kerek, bul shara Almaty ákimdigi men Týrızm jáne syrtqy baılanys basqarmasy, FUNK kreatıvti agentttiginiń QR Táýelsizdiginiń 26 jyldyǵyna arnalǵan birlesken jobasy bolyp otyr.
Sherýdi tıisti dárejede ótkizýge birneshe dızaıner men teatr rejısserleri jumyldyrylǵan.
Mádenı shara almatylyqtar úshin kvest, vorkshop oıyndary, fýd-kort, qolóner alańyna aınalmaq.
Astana alańynda merekeniń basty sharasy - Art-shyrshaǵa ot jaǵylady.
Saltanatty sherý Abaı atyndaǵy opera jáne balet teatrynan eski alańdaǵy Panfılov kóshesine deıin jalǵaspaq.
Sherýge qalanyń belsendi azamattary, ana men bala, ekologııa, sport máselelerin kóterip júrgen azamattar qatysady.
Joba úılestirýshisi Alesıa Noǵaevanyń aıtýynsha, uıymdastyrýshylar eń úzdik kostıýmderge baıqaý jarııalaǵan.
Alǵashqy irikteýden ótken qatysýshylarǵa qazylar alqasy arnaıy júlde beredi.
