Almatyda arnaıy operatsııa barysynda ustalǵan azamattyń soty ótip jatyr
ALMATY. QazAqparat - Almatyda №2 Bostandyq aýdandyq sotynda arnaıy operatsııa kezinde qarýmen ustalǵan Dáýren Áleýhanovtyń isi jalǵasyp jatyr, habarlaıdy QazAqparat tilshisi sot zalynan.
Sot otyrysynda sýdıa Janat Bekjanov is materıaldarymen tanystyrdy.
Atap aıtqanda, arnaıy operatsııaǵa qatysqan polıtsııa qyzmetkerleriniń, kýágerlerdiń túsiniktemelerin, medıtsına qyzmetkerleriniń mamandarynyń bergen málimetterin oqydy.
«12 qarasha kúni keshki 21:30-da Toyota Land Cruiser kóligin toqtatqan polıtsııa salondy tekserý kezinde qarý tapqan. Ony kórgen polıtsııa qosymsha qarýly kúsh shaqyrǵan. Keıin ol qarýdy tastap syrtqa shyǵýdy buıyrǵan. Biraq, júrgizýshi men jolaýshy Shalabaev kólikten shyqpaı, ary qaraı júrip ketken. Jolda olar polıtsııa qyzmetkerin qaǵyp ketti. Sol kezde polıtsııa qyzmetkeri artqy dóǵgelekti kózdep, 8 ret oq atqan, oq darymaǵan. Tek Fýrmanov kóshesinen bastap Sátpaev kóshesinen asa bergende ǵana eki jaqtan polıtsııa kólikteri toqtatqan», - dedi sýdıa Janat Bekjanov.
Sýdıa tanystyrǵandaı, Áleýhanov óz túsiniktemesin tergeý barysynda birneshe ret ózgertken.
Óz sózinde ol Toıota kóligin Dastan degen tanysynan surap alǵanyn aıtty.
Bir sózinde Shalabaevty 2016 jyldan beri tanımyn dese, bir sózinde 6 aıdaı ǵana tanımyn degen.
Aıta ketý kerek, 23 jastaǵy Dáýren Áleýhanov pen onyń tanysy Marlen Shalabaev 2017 jyly qarashada arnaıy operatsııa barysynda ustalǵan bolatyn.
Keıin Marlen Shalabaev kinási dáleldenbegen soń bosatylǵan edi.
Ekeýi Ońtústik Qazaqstan oblysynyń turǵyndary bolyp shyqqan.
Ustalǵandardyń kólikterin tekserý barysynda jaryq-dybysty avtomat, pyshaq, sondaı-aq, brondy keýdeshe tárkilengen bolatyn. Arnaıy operatsııa keinde zaqymdalǵan Toyota Land Cruiser 100 kóligi de ustalǵandardyń birine tıesili bolyp shyqqan.
Aldyńǵy sot otyrysynda aǵa leıtenant Aıdos Janserikuly operatsııa qalaı ótkenin aıtyp bergen bolatyn.
Sottalýshy óz kinásin moıyndamaǵan. Alaıda ol esirtkige mas bolǵanyn, kólikti qujatsyz aıdaǵanyn moınyna aldy.
