Almatyda arnaıy operatsııa barysynda urlanǵan 18 jasar qyz bosatyldy
ALMATY. QazAqparat - Almatyda arnaıy operatsııa barysynda 18 jasar urlanǵan qyz bosatyldy, dep habarlaıdy QazAqparat tilshisi.
QR ІІM resmı ókili Almas Sádýbaevtyń aıtýynsha, Almatyda arnaıy operatsııa barysynda ІІD uıymdasqan qylmysqa qarsy kúres basqarmasynyń qyzmetkerleri 18 jastaǵy qyzdy bosatyp, úıine qaıtardy. Qylmys 9 tamyzda bolǵan. Belgisiz bireýler aldyn ala ymyralasa kele qarý kezene otyryp, qyzdyń úıine kirip barǵan. Shabýyl saldarynan qyzdyń týysqany jaraqat alǵan», - dedi ol.
QR ІІM ókili habarlaǵandaı, qazir kúdikti ustaldy. Sotqa deıingi tergeý amaldary júrip jatyr.
Aıta ketý kerek, Almaty polıtsııasy birneshe kúnnen beri qalada aýqymdy reıd sharalaryn ótkizýde.
