Almatyda arnaıy is-shara barysynda esirtki satýmen aınalysqan eki turǵyn ustaldy
Almaty qalasy Polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri esirtki quraldarynyń, psıhotroptyq zattardyń jáne olardyń analogtarynyń shahar aýmaǵyna taralýynyń jolyn kesý maqsatynda qylmystyq quqyq buzýshylyqtardy anyqtaýǵa baǵyttalǵan jedel-aldyn alý sharalaryn júrgizýde.
«Bizdiń basqarma qyzmetkerleri Rysqulov dańǵyly men Ahremenko kóshesiniń qıylysynda 30 jastaǵy azamat basqaryp kele jatqan «Toıota» avtokóligin toqtatty. Tintý kezinde kóliktiń artqy oryndyǵynan geroın, marıhýana jáne gashısh salynǵan polıetılen paket tabyldy. Tárkilengen esirtkiniń jalpy salmaǵy shamamen 200 gramdy qurady»,– deıdi Almaty qalalyq PD Esirtki qylmysyna qarsy is-qımyl basqarmasynyń bastyǵy Erlan Almaǵambetov
Sonymen qatar, ol shara barysynda Áýezov aýdanynda esirtkimen baılanysty qylmystary úshin buryn úsh ret sottalǵan 1984 jyly týǵan azamatshanyń ustalǵanyn atap ótti.
«Tintý kezinde odan jalpy salmaǵy 17,50 gramm geroın tabyldy. Kórsetilgen faktiler boıynsha QR QK-niń 296-baby 4-bóligine (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) sáıkes sotqa deıingi tergeý amaldary júrgizilýde. Kúdiktiler qamaýǵa alyndy», – dedi spıker.
