Almatyda arnaıy dabyldy qosyp júrgen kólik júrgizýshileri jaýapqa tartyldy
ALMATY. QazAqparat – Almatyda arnaıy dabyldy qosyp, qala kóshelerinde júrgen kólik júrgizýshileri jaýapqa tartyldy, dep habarlaıdy QazAqparat tilshisi.
«Ótken aptada ınternet keńistigin baqylaý kezinde «Mercedes», «Toyota Camry» jáne «Cadillac Escalade» kólikteriniń júrgizýshileri jol erejelerin óreskel buzǵandyǵy anyqtaldy. Dereý anyqtaý sharalary júrgizilip, nátıjesinde quqyq buzýshylar jaýapkershilikke tartyldy.
Atap aıtqanda, «Mercedes-Benz» kóligin tizgindegen 2000 jyly týǵan A. esimdi azamat kóligine arnaıy jaryq jáne dybystyq dabyl berýge arnalǵan qurylǵyny zańsyz ornatqan. Ol jaqynda ustaldy. SMÝ alynyp tastaldy. Quqyq buzýshyǵa qatysty QR ÁQbK-niń 230-baby 2-bóligi, 592-bap 3-bóligi, 595-bap 1-bóligi, 601-bap 2-bóligi, 603-bap 2-bóligi boıynsha ákimshilik hattamalar jasaldy», – dedi Almaty qalalyq Polıtsııa departamentiniń ákimshilik polıtsııa basqarmasynyń bastyǵy Jandos Muratalıev.
Osyndaı zańbuzýshylyqqa «Cadillac Escalade» avtokóligin basqarǵan Almaty turǵyny – 2001 jyly týǵan J.azamatta barǵan. Ol da qurylǵyny arnaıy jaryq jáne (nemese) dybystyq dabyl berý úshin zańsyz paıdalanǵan. Sonymen qatar, ál-Farabı dańǵylymen shyǵys baǵytta qozǵalǵan tártip buzýshy jol qozǵalysy erejeleriniń 2.4.3, 2.4.4, 7.13, 7.17 erejelerin buzdy, ol QR ÁQbK-niń 230-baptyń 2-bóligi, 590-baptyń 1,7,9-bóligi boıynsha ákimshilik jaýapkershilikke tartyldy.
«Aıtpaqshy, saǵatyna 165 shaqyrym jyldamdyqty asyryp, áleýmettik jeli arqyly maqtanǵan «Toyota Camry» júrgizýshisine qatysty da ákimshilik sharalar qoldanyldy. Men jol qozǵalysyna qatysýshylarǵa jol erejelerin qatań saqtaý týraly qala joldaryndaǵy mádenıettiń deńgeıin kóterý jáne jazanyń bultartpas qaǵıdaty týraly taǵy bir ret eske salǵym keledi. Sonymen qatar, men qoǵamdyq belsendilik tanytyp, zań buzǵan júrgizýshiler týraly habar berip, sol arqyly jalpy jol qaýipsizdigi máselelerine nemquraıly qaramaıtyn azamattarǵa alǵys aıtamyn», – dep qorytyndylady Muratalıev.
