Almatyda arnaıy áskerı jıyndarǵa qansha adam shaqyrylady
ALMATY. QazAqparat – Almatyda arnaıy áskerı jıyndarǵa 200 áskerı mindetti azamat shaqyrylady. Bul týraly qalalyq Qorǵanys isteri jónindegi departament basshysy Amantaı Óserbaev onlaın-brıfıng barysynda aıtty, dep habarlaıdy QazAqparat tilshisi.
«Qazir Almatyda 300-ge jýyq ótinish tústi. Bul tizim tekserilip, Almaty ákiminiń qaýlysymen josparlanyp otyrǵan 200 adam shaqyrylady. Olar 1 aı merzimge shaqyrylady. Jumys istep júrgen áskerı mindettilerge eńbekaqy ortasha jalaqysy mólsherinde, al jumys istemeıtin azamattarǵa eń tómengi jalaqy mólsherinde tólenedi. Sonymen qatar jumys isteıtin azamattarǵa jumys orny saqtalady. Olarǵa úıinen jınalý ornyna deıin jolaqysy tólenedi. Sondaı-aq, túski as, keshki asy tegin bolady», - dedi Amantaı Óserbaev.
Onyń aıtýynsha, áskerı jıyndarǵa 3 balasy bar áskerı mindettiler, áıel adamdar shaqyrylmaıdy.
