Almatyda armrestlıng pen gır kóterý sportynan Qazaqstannyń ashyq kýbogy ótedi
ALMATY. Qazannyń 29-y. QazAqparat /Erlik Erjanuly/ - Búgin Almatyda armrestlıng pen gır kóterý sportynan Qazaqstannyń ashyq kýbogyna qatysýshylardy tirkeý sharasy bastaldy. Al erteń salmaq ólsheý men jarys kestesi ázirlenip, jeksenbi kúni negizgi syndar ótedi. Ony respýblıkalyq jáne qalalyq armrestlıng pen gır sporty federatsııalary men "Plastılın" sport klýby jelisi birigip uıymdastyryp otyr.
"Oǵan Qazaqstannyń túkpir-túkpirinen jáne kórshiles Qyrǵyzstan men Ózbekstannan sportshylar qatyspaq. Dástúrli bul dúbirli dodada erler 8, áıelder 5 salmaq dárejesi boıynsha synǵa túsedi. Oǵan QR Ulttyq qurama komandasynyń músheleri tolyqtaı qatysady. Ol jeltoqsan aıynda AQSh-ta ótetin Álem chempıonatyna daıyndyqtyń bir kezeńi bolyp otyr", deıdi Almaty oblystyq armrestlıng jáne gır sporty federatsııasynyń prezıdenti Evgenıı Shamraı.
