Almatyda armııadan jaltarýǵa kómektesken burynǵy áskerı komıssar sottaldy
ASTANA. QazAqparat - Almaty áskerı komıssarıatynda ashyq sot otyrysy boldy. Qalalyq qorǵanys isteri basqarmasynyń burynǵy basshysyn naq jumys ornynda sottady. Igor Skvortsov qomaqty paraǵa armııadan jaltarýǵa kómektesken, dep habarlady KTK.
Áskerı komıssardy óziniń kabınetinde tańbalanǵan aqshalardy alyp jatqan kezinde ustady. Ol áskerge shaqyrylýshynyń bir myń jarym dollarǵa armııadan jaltarýyna múmkindik jasamaq bolǵan. Shyndap kelgende, ol jigit densaýlyq jaǵdaıyna baılanysty onsyz da armııaǵa shaqyrýdan bosatylýy tıis bolatyn. Ol óziniń aıybyn moıyndady. Skvortsovqa úkimdi áskerı komıssarıattyń akt zalynda, óziniń burynǵy qyzmettes joldastary men baǵynyshty qyzmetkerleriniń aldynda jarııalady. Ol ataqtarynan, jeke múlikterin aıyryldy jáne jazasyn tórt jyl boıy kolonııada óteıtin boldy.
