Almatyda armııa generaly S. Nurmaǵambetovtiń 90 jyldyǵyna oraı mereıtoılyq medaldar tabystaldy
ALMATY. QazAqparat - Búgin Almatyda UOS ardagerleri men áskerı qyzmetkerlerge armııa generaly Saǵadat Nurmaǵambetovtiń týǵanyna 90 jyl tolýyna oraı mereıtoılyq medaldar tabystaldy.
Almaty ákimi Ahmetjan Esimov saltanatty rásim kezinde aıtýly tulǵanyń erlik pen qajyrly eńbekke toly ómir joly jaıly aıtyp ótti.
«Saǵadat Qojahmetuly qazaqtardyń ishinde tuńǵysh general shenin alǵan azamattardyń biri. Táýelsizdiktiń alǵashqy qıyn-qystaý jyldarynda ol egemen eldiń urysqa qabiletti áskerin qalyptastyrýda eren eńbek etti. Qurmetti demalysqa shyqsa da Saǵadat Qojahmetuly áskerı salamen baılanysyn úzgen joq. Ol Qazaqstan Qarýly kúshterine, áskerı mamandardyń kóbeıýine únemi kóńil bólip júretin», - dep eske aldy Ahmetjan Esimov.
Shahar basshysy otansúıgishtik pen erliktiń sımvolyna aınalǵan Saǵadat Nurmamabetovtiń ǵıbratqa toly ǵumyry QR Qarýly kúshterine úlgi-ónege bolyp qalatynyn aıtyp ótti.
Esterińizge sala keteıik, Almaty kósheleriniń birine armııa generaly, QR tuńǵysh qorǵanys mınıstri, Keńes Odaǵynyń Batyry Saǵadat Nurmaǵambetovtiń aty berilip, 28 gvardııashy panfılovshylar saıabaǵynda eskertkish beınesi turǵyzylatyn boldy.
Bul týraly qala ákimi Ahmetjan Esimov 23 mamyrda ótken QR tuńǵysh qorǵanys mınıstri, Keńes Odaǵynyń batyry Saǵadat Nurmaǵambetovtiń 90 jyldyǵyna arnalǵan ǵylymı konferentsııa barysynda aıtqan bolatyn
