Almatyda Armenııadan ákelingen kólikterdi tirkeý úshin demalys kúnderi eki arnaıy HQO jumys isteıdi
ALMATY. QazAqparat – Almatyda Armenııadan ákelingen kólikterdi tirkeý úshin mereke kúnderi eki arnaıy halyqqa qyzmet kórsetý ortalyǵy jumys isteıdi, dep habarlaıdy QazAqparat tilshisi.
«Almaty qalalyq ákimshilik polıtsııa basqarmasy Armenııa Respýblıkasynan ákelingen avtokólikterdi tirkeý úshin «Saıaly» yqshamaýdany, Aq-Qaınar kóshesi №1 úı jáne Maılın kóshesi, №85 úı mekenjaıy boıynsha ornalasqan eki arnaıy HQO-nyń 30 jáne 31 tamyzda jumys isteıtindigin habarlaıdy» delingen polıtsııa taratqan aqparatta.
Eske salaıyq, Armenııa Respýblıkasynan 2020 jyldyń 1 aqpanyna deıin kirgizilgen kólikterdi tirkeý merzimi 1 qyrkúıekte aıaqtalady.
