Almatyda «Armandar oryndalady» qaıyrymdylyq aktsııasy bastaldy
«Nur Otan» partııasynyń Nursultan esimdi 100 múshesi Aqsaı klınıkalyq balalar aýrýhanasyna bardy. Partııalyqtar 100 balany Tuńǵysh Prezıdent kúnimen quttyqtap, túrli baǵaly syılyqtar tabystady.
«Bul aýrýhanada ártúrli aýrýǵa shaldyqqan balalar jatyr. Olar elimizdiń barlyq aımaqtarynan kelgen. Olardyń janynda ata-analary joq. Biz balalarǵa syılyq almas buryn aldyn ala kelip, olardyń qandaı syılyqty armandaıtynyn surap bildik. Kóbi Lego konstrýktordy qalady. Planshet suraǵandar da boldy. Balalarǵa eń aldymen kóńil bólý qajet. Biz ózimizdiń ystyq yqylasymyzdy, quttyqtaýymyzdy Tuńǵysh Prezıdent kúni qarsańynda bildirýdi jón kórdik. Syılyqtaryn tabystap, balalardyń armanyn oryndadyq», - deıdi Nur Otan partııasy Almaty qalalyq fılıaly tóraǵasynyń orynbasary Stanıslav Konkýrov.
Onyń aıtýynsha, Nursultan esimdi partııanyń 100 múshesi elimizde chellendj bastady
«Bul chellendjdi qazaqstandyqtar qoldaıdy dep oılaımyn. Mundaı aktsııalar elimizdiń barlyq óńirinde ótedi degen úmit bar. Adamdar kómek pen qoldaýdy qajet etetin balalardy nazardan tys qaldyrmaýy kerek», - dep tolyqtyrdy Stanıslav Konkýrov.
Sonymen qatar, ol Qazaqstanda 30 myńnan astam adamnyń esimi Nursultan ekenin atap ótti.
QR Tuńǵysh Prezıdenti saıabaǵynda ótken is-shara barysynda jaqsylyqqa shaqyratyn chellendj bastaldy. Aktsııanyń maqsaty - naýqas balalarǵa kómek kórsetý.
Sharany «Nur Otan » partııasynyń Almaty qalalyq fılıaly jáne «Jas Otan» jastar qanaty uıymdastyrdy.
