Almatyda «Arlan» bazary órtenip jatyr
ALMATY. QazAqparat- Almatydaǵy «Arlan» bazarynan órt shyqty, dep habarlaıdy QazAqparat.
Almaty qalalyq Tótenshe jaǵdaılar departamentiniń málimetinshe, 9 qańtar kúni saǵat 16:55-te órt sóndirýshiler Alataý aýdany Soltústik aınalma tasjoly, 92/7 mekenjaıy boıynsha joǵary dárejedegi shaqyrtýǵa shyqty.
«Oqıǵa ornyna 16 tehnıka, 60-tan astam maman men qalalyq ózara is-qımyl qyzmeti shyqty. Aldyn ala boljam boıynsha, «Arlan» bazarynyń 100 sharshy metr aýmaǵynda konteınerler janyp jatyr. Oqıǵa ornynda jedel shtab quryldy. Órtti sóndirýge, sondaı-aq japsarlas konteınerlerdi qorǵaýǵa órt oqpandary engizildi. Sýdyń úzdiksiz berilýi qamtamasyz etildi, nysan toktan ajyratyldy», - dep habarlady Almaty qalalyq Tótenshe jaǵdaılar departamentiniń baspasóz qyzmetinen.
Aıta keteıik, osydan eki aı buryn «baraholka» bazarynan órt shyqqan bolatyn.
Vıdeodan alynǵan kadr
