Almatyda ardagerler úshin kórkem fılmderdiń qaıyrymdylyq kórsetilimi ótýde
ALMATY. Qańtardyń 30-y. QazAqparat /Sara Mustafına/ - Almatyda «Illıýzıon» kınoteatrynda Uly Otan soǵysy jáne eńbek ardagerleri úshin kórkem fılmderdiń qaıyrymdylyq kórsetilimi ótýde. Bul sharany «Kınovıdeoqamtý» memlekettik qazynalyq kásiporny men qalalyq mádenıet basqarmasy uıymdastyryp otyr.
Qaıyrymdylyq kórsetilim baǵdarlamasyna úsh fılm kirip otyr, olar Sergeı Eızenshteınniń «Ivan Groznyı» (1944 j.) fılmi, Vera Storojevanyń «Aspan. Ushaq. Qyz» (2002 j.) týyndysy jáne Pavel Lýngınniń «Aral» (2006 j.) fılmi, sońǵy ekeýi - reseılik fılm.
Al «Ivan Groznyı» keńestik fılminiń kezinde, soǵys jyldary «Mosfılm» kınosy Almatyǵa kóshirilgen jyldary túsirilgenin aıta ketý kerek. Bul shara Uly Jeńistiń 65 jyldyǵyna arnalyp otyr jáne naýryzdyń 20-syna deıin sozylady.
Mundaı shara keıinirek basqa da kınoteatrlarda ótetin bolady.
