Almatyda ardagerler arasynda voleıboldan týrnır ótedi
ALMATY. Qańtardyń 28-i. QazAqparat /Erlik Erjanuly/ - Almatyda qańtardyń 29-30-y kúnderi voleıboldan ardagerler arasynda Sanjar Jandosov pen Gennadıı Tolmachevti eske túsirýge arnalǵan týrnır ótedi,
dep habarlaıdy QazAqparat.
Oǵan Almaty, Taldyqorǵan, Shymkent qalalarynan komandalar qatyspaq. Qańtardyń 29-y kúni týǵanyna 80 jyl tolatyn kórnekti qoǵam qaıratkeri jáne bilgir ekonomıst Sanjar Jandosov sport salasyndaǵy mektep-ınternattardyń ashylýyna jáne qazirgi zamanǵy sport zaldary men basseınderdiń salynýyna qoldaý kórsetti. Komandalar quryp týrnırler, spartakıadalar uıymdastyryp respýblıkada sporttyń damýyna zor úles qosqan Sanjar Orazuly 1957 jyly Ulttyq olımpıada komıtetine múshe bolyp saılanǵan bolatyn. Sondaı-aq uzaq jyldar boıy voleıbol jáne dzıýdo federatsııalaryn basqardy. Sanjar Jandosovtyń esimin ulyqtaý maqsatynda Qazaqstan dzıýdo federatsııasy 1993 jyldan beri dástúrli túrde jyl saıyn halyqaralyq týrnır ótkizip kele jatyr. Al ardagerler arasynda voleıboldan ótetin bul týrnırdi dostary men áriptesteri S.Jandosov pen onyń dosy, jýrnalıst, jazýshy jáne voleıbolshy Genadıı Tolmachevti eske túsirý maqsatynda uıymdastyryp otyr.
