Almatyda «Arbuz-Fest-2017» jármeńkesinde 25 tonna qaýyn-qarbyz satyldy
ALMATY. QazAqparat - Almatyda «Arbuz-Fest-2017» mamandandyrylǵan sharasyna sharýalar 25 tonna qaýyn-qarbyz jetkizdi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Aýyl sharýashylyq ónimderin óndirýshiler Almatydaǵy sharaǵa 15 tonna qarbyz ben 10 tonna qaýyn ala kelip, almatylyqtardy arzan baǵamen qýantty. Qala kúnin toılaý aıasynda uıymdastyrylǵan sharaǵa Almaty oblysy, Jambyl, Ońtústik Qazaqstan oblystarynyń sharýalary óz ónimderin jetkizdi. Sharada jemis-jıdekter men qaýyn-qarbyzdyń baǵasy naryqtaǵydan 20-30 paıyzǵa arzan boldy. Naqtyraq aıtqanda, qarbyzdyń kelisi 30 teńgeden, qaýynnyń bir danasy 200 teńgeden satyldy.
Sharada kelýshilerge ónimdi almastan buryn 5 túrli qarbyzdyń dámin tatyp kórýge ruqsat etilip, qarbyz sýsyny berildi. Baıqaý aıasynda bas júldege sporttyq velosıped tigilgen qarbyz jeý jarys ótti. Bárinen ozyp shyqqan Janat Shúnkenaev esimdi almatylyq baǵaly syılyqtyń ıegeri atandy.
Endi aldaǵy qyrkúıek aıynda almatylyqtar úshin «Apple Fest» festıvli uıymdastyrylatyn bolady.
