Almatyda Arbat mańynda órt boldy
ALMATY. QazAqparat - Almatyda bos túrǵan dúńgirshek órtenip ketti, dep habarlaıdy QazAqparat tilshisi TJD-niń baspasóz qyzmetine silteme jasaı otyryp.
«Almaty qalasy boıynsha TJD-niń 101 pýltine saǵat 11-14-te Almaly aýdany Abylaı han kóshesinde (Maqataev kóshesinen joǵary) dúńgirshek órtenip jatqany týraly habarlama tústi. Órt sóndirýshiler saǵat 11-23-te jetip, 11-25-te jalyn aýyzdyqtalǵan. 11-26-de tolyǵymen sóndirildi», delingen habarlamada.
TJD málimeti boıynsha, japa shekkender joq.
