Almatyda aralas jekpe-jekten týrnır ótkiziledi
ASTANA. QazAqparat - Sáýirdiń 1-i kúni Almaty Arena sport kesheninde aralas jekpe-jekten Fight Nights Global 86 týrnıri ótkiziledi, dep habarlaıdy QazAqparat Almatynyń aqparattyq jáne sporttyq HAB-yna silteme jasap.
Osy keshtiń eń basty jekpe-jegi 56,7 keli salmaqta FN GLOBAL chempıondyq belbeýiniń eks-úmitkeri Jalǵas «Jako» Jumaǵulov pen 2017 jylǵy basty sensatsııanyń avtory Taıson Nem arasynda ótedi.
«Qazaqstanǵa biz árqashanda jaqsy ásermen kelemiz. Búgin aýa raıy bizdi qýantýda, 1-shi sáýir kúni tek dalada emes, arenada da óte ystyq bolady, - deıdi FN GLOBAL prezıdenti Kamıl Gadjıev. Kópshilik sportty jaqsy kóredi. Biz osy keshte kóptegen kórermender bolady dep úmittenemiz. Al, osy keshtiń basty kezdesýine keletin bolsaq, men Taıson Nem jeńedi dep oılaımyn».
Al qazaqstandyq brazılııalyq djıý-djıtsý jáne grepplıng federatsııasynyń prezıdenti Tólegen Qumarov, Kazakhstan Top Team klýbynyń múshesi Erjan Estanov pen FN GLOBAL kompanııasynyń prodıýseri Sangadjı Tarbaev týrnırdiń basty jekpe-jegi Jalǵas Jumaǵulovtyń jeńisimen aıaqtalatynyna senim bildirdi.
Negizi, Jalǵastyń qarsylasy óz deńgeıine saı ári uıymnyń reıtıngisine baılanysty tandalǵan. Ol jekpe-jek ári qaraı aldaǵy ýaqytta chempıondyq kezdesýler ótkizýge yqpal jasaıdy.
Ol eki jup osymen sáýirdiń 1-i kúni óz mansaptarynda úshinshi ret kezdesip, osy joly djıý-djıtsý erejesi boıynsha synǵa túspek.
Aıta keter jaıt, bul keshte jalpy sany 13 kezdesý ótkiziledi dep josparlanýda. Onyń beseýi djıý-djıtsý jáne grepplıng ererjesine sáıkes bolmaq. Bul is-shara Kazakhstan Top Team klýbynyń brazılııalyq djıý-djıtsý jáne grepplıngtan Qajymuqan Munaıtpasov atyndaǵy akademııasynda Erjan Estanov, Rasýl Mırzaev jáne uıymdastyrýshylardyń qatysýymen sportshylarǵa arnalǵan sheberlik sabaǵymen aıaqtaldy.
