Almatyda aralas jekpe-jekten «Kóshpeliler shaıqasy-2» Halyqaralyq týrnıri ótedi
ALMATY. QazAqparat - Almatyda aldaǵy 30 qarasha kúni Búkilálemdik Aralas jekpe-jek óneri qaýymdastyǵyna qarasty (WMMAA) Azııa dıvızıonynyń qamqorlyǵymen «WMMAA PRO» nusqasynyń erejesi boıynsha tuńǵysh ret «Kóshpeliler shaıqasy-2» Halyqaralyq týrnıri ótedi.
Sondaı-aq, osy týrnır aıasynda tuńǵysh ret MMA boıynsha, Qazaqstan Kýbogynyń fınaldyq saıystary bolady. Bul týraly búgin «QazAqparat» tilshisine atalǵan sharany uıymdastyrýshy respýblıkalyq djıý-djıtsý jáne aralas jekpe-jek túrleri federatsııasy vıtse-prezıdenti Asylbek Dúısenov málimdedi.
«MMA» boıynsha, Qazaqstan Kýbogynyń irikteý saıystary erteń Balýan Sholaq atyndaǵy sport saraıynda ótkiziledi. Fınaldyq saıystarǵa 6 jup shyǵady. Al Halyqaralyq týrnır aıasynda barlyǵy bes saıys ótkiziledi.
Onda qazaqstandyq saıyskerler Brazılııa, Ońtústik Koreıa, Reseı jáne Tájikstannan keletin qarsylastarymen kúsh synasady» - dedi A. Dúısenov.
Aıta ketelik, týrnır Balýan Sholaq atyndaǵy sport saraıynda 30 qarasha kúni keshki saǵat 18:00-de bastalady.
Al saıyskerlerdiń ólshený jáne kózqaras «jekpe-jegi» erteń 29 qarasha kúni «MEGAPark» saýda oıyn-saýyq kesheninde ótedi.
