Almatyda aralas jekpe-jekten «Bahadúr» halyqaralyq týrnıri ótedi

Atalmysh básekede «Alash Praıd KZ» klýbynyń aıtýly myqtylary ár túrli elderden, solardyń ishinde Reseıdiń belgili MMA uıymdarynan kelgen úzdik saıyskerlermen kezdesedi. Esterińizge sala keteıik, alǵashynda «Bahadúr» týrnırinde barlyq jekpe-jekter birdeı mártebege ıe bolady dep josparlanǵan bolatyn. Óıtkeni torda «Alash Praıd KZ» klýbynyń kileń myqty jigitteri shyǵaıyn dep otyr. Biraq keıin keshtiń basty jekpe-jegin ótkizý uıǵaryldy. Onda 93 keliden artyq salmaq sanatynda qazaqstandyq «Shahmaral Jetpisov laqap aty «Shahan», ırandyq Úmit Rahmatollaevpen jekpe-jekke shyǵady.

«Bahadúr» týrnırinde «Alash Praıd KZ» klýbynyń myna jigitteri el namysyn qorǵaıdy:

Nursultan «Sultan» Qasymhanov, 61 kelige deıingi salmaq sanatynda,

Jasulan «Arystan» Toqtarbaev, 61 kelige deıin salmaq sanatynda,

Erjan «Arlan» Estanov, 66 kelige deıingi salmaq sanatynda,

Ermek «Al-Asad» Tileýov, 66 kelige deıingi salmaq sanatynda,

Arman «Suńqar» Ospanov, 66 kelige deıingi salmaq sanatynda,

Qýat «Naıman» Hamıtov, 70 kelige deıingi salmaq sanatynda,

Mahır «Bolat aıaq» Mamedov, 77 kelige deıingi salmaq sanatynda,

Qylyshbek «Saıfýllo» Sarqabaev, 84 kelige deıingi salmaq sanatynda,

Murad «Azııalyq aıý» Hantýraev 93 kelige deıingi salmaq sanatynda,

Shahmaral «Shahan» Jetpisov, 93 keliden joǵary salmaq sanatynda.

Salmaq ólsheý rásimi 20 maýsym kúni Mega Center saýda oıyn-saýyq ortalyǵynda ótedi. Al týrnırdi kelip kóre almaǵandar, ony tikeleı translıatsııa arqyly «Almaty» telearnasynan jáne ǵalamtordan tamashalaı alady.