Almatyda ár demalys saıyn karantın bola ma - ákimdik jaýap berdi

ALMATY. QazAqparat – Almaty ákimdigi ár aptanyń demalys kúnderi karantın sharalaryn kúsheıte me? Bul saýalǵa Almaty ákiminiń orynbasary Saparbek Tuıaqbaev jaýap berdi, dep habarlaıdy QazAqparat tilshisi.

«Shekteý sharalaryn bir-aq ret engizemiz dep úmittengen edik. Taldaýǵa qarasaq, áli de halyq vırýs juqtyryp jatyr. Juqtyrý qarqyny báseńdeıtin túri joq. Barlyǵy epıdemıologııalyq ahýalǵa baılanysty. Eger kelesi aptada vırýs juqtyrý qarqyny báseńdese, qatań karantın sharalary qolǵa alynbaıdy», - dedi ákimniń orynbasary.

Sonymen qatar ol avtojýý, TQKS, úı janyndaǵy dúkender, parkter men skverler, jazǵy dámhana alańdary ashyq bolatynyn aıtty.

Aıta ketý kerek, ákimdik búgin vırýs taralý qaýpi joǵary sanalatyn nysandardy demalys kúnderi jabý týraly sheshim qabyldady.

Oǵan deıin Nur-Sultan qalasynyń ákimdigi osyndaı qaýly qabyldaǵan bolatyn.