Almatyda aptap ystyq bolady

ALMATY. QazAqparat – «Qazgıdromet» RMK-nyń málimetteri boıynsha, 17 shilde kúni Almatyda 36 gradýsqa deıin aptap ystyq bolady, dep habarlaıdy QazAqparat.

Almaty qalasynyń Tótenshe jaǵdaılar departamentiniń ókilderi ystyq aýa raıy óte qaýipti ekenin habarlaıdy. Ol ásirese júrek qan-tamyrlary, arterıaldy gıpertonııamen aýrýlarymen aýyratyndar úshin qaýipti, olardyń ınfarkt, ınsýlt alý qaýpi bar.

Serýennen bas tartyp, belsendi qımyldamaýǵa tyrysyńyz. Arterıaldy gıpertonııamen naýqas adamdar dárigerlerdiń keńesterin jiti qadaǵalap, qajetti dár-dármekterdi qabyldap júrýleri kerek.

«Arterıaldy gıpertonııamen aýyratyndar udaıy arterııa qysymyn tekserip júrgeni durys. Qala turǵyndary men qonaqtaryn kún ótip ketpeýi úshin dalaǵa shyqpaýǵa keńes beremiz»,-dep málim etti Tótenshe jaǵdaılar departamentiniń ókilderi.