Almatyda apta boıy kún ashyq bolady
ALMATY. QazAqparat - Almatyda osy apta boıy kún ashyq bolady, dep habarlaıdy QazAqparat tilshisi.
Sınoptıkterdiń boljaýynsha, 4-7 jeltoqsan aralyǵynda Almatyda aýa temperatýrasy +3 gradýsqa deıin joǵarylap, túnde -10 gradýsqa deıin tómendeýi múmkin. 8-9 jeltoqsan demalys kúnderi qaıtadan sońy qarǵa ulasatyn jaýyn-shashyn boljanyp otyr. Biraq kúndizgi temperatýra +5 gradýs bolyp, túnde +2 gradýsqa deıin tómendep, kún jyly bolmaq.
Qazgıdromet Qazaqstannyń basym bóliginde antıtsıklonnyń əserinen jaýyn-shashynsyz aıaz bolady dep boljap otyr. Tek soltústiktiń keı aımaǵynda qar jaýyp, boran soqsa, ońtústik-shyǵys pen batysta tumannyń túsýi men jeldiń kúsheıýi jalǵasa bermek. Almaty men Almaty oblysynyń keı aımaǵynda tuman túsip, Jalańashkól aýdanynda 15-20 m/s jyldamdyqpen jel soǵýy múmkin.
