Almatyda «Apple Team» velokomandasy quryldy
ALMATY. QazAqparat - Almatyda «TUR ALMATY - 2017 halyqaralyq kópkúndik kásibı velosport» atty Ortalyq Azııadaǵy eń iri velosıped sporty boıynsha jarystarǵa qatysatyn komandalardyń tanystyrylymy ótti, dep habarlaıdy QazAqparat tilshisi.
Dúbirli dodaǵa álemniń 17 elinen 20 komanda qatysady.
Týrdyń ereksheligi - bul kóp kúndik velojarys mártebesinde alǵash ret ótkiziletin bolady. Jarys eki kezeńnen turady.
Sonymen qatar, jarystyń eki kúndik formaty sportshylarǵa Azııa chempıonatynda jáne Olımpıada oıyndarynda odan ári biliktiligin alý úshin kóp upaı jınaýǵa múmkindik beredi.
Baıqaýdyń baǵyty taýdyń betki jaǵynda ornalasady: «Almaty týry» birinshi kezeńi QBTÝ ǵımaratynyń janynda bastalady, qatysýshylar Tóle bı, Fýrmanov, Sátpaev, Baızaqov, Abaı jáne Jeltoqsan kósheleriniń boıynda «qala sheńberin» aınalady. Birinshi kezeńniń aıaqtalýy Almaty arenasynyń aýmaǵynda ornalasady. Velojarystyń ekinshi kezeńi «Halyq Arena» ǵımaratynda bastalady jáne «ShAJ-Ál-Farabı» marshrýtymen Tuńǵysh Prezıdenttiń saıabaǵynan «Medeý» taý shańǵysy kýrortyna deıin jalǵasady.
Búgin Almaty elimizdiń sporttyq ortalyǵy bolyp tabylady. Ýnıversıada qarsańynda qalada biregeı sport ǵımarattary - muz saraılary salyndy.
Almatyda 40 jylda alǵash ret «Týǵan jer» baǵdarlamasynyń aıasynda jeńil atletıka pánderiniń 47 túri úshin 39 myń sharshy metrlik jańa ashyq jeńil atletıkalyq stadıon salyndy. Kelesi jylǵa 5 000 oryndyq jabyq jeńil atletıka stadıonynyń qurylysy jáne Ortalyq stadıonnyń rekonstrýktsııasy josparlanyp otyr, ol joǵary halyqaralyq standarttarǵa sáıkes keletin bolady. Memlekettik-jekeshelik seriktestik sheńberinde qalalyq velosıped joldary jańartylady.
Bıylǵy týrǵa «Apple Team» velosıped komandasy qurylyp tanystyryldy.
Qalada qazir 63 shaqyrym velojol bar.
Almatybike jalǵa alý júıesin 3 000 adam paıdalanady. Al qala boıynsha olar 215 myń shaqyrym jer júrdi.
Foto/prosports.kz
