Almatyda «Aport» iri saýda mollynda tuńǵysh oıyn- saýyq parki ashyldy

dep habarlaıdy QazAqparat.

Park «Aport» mollynyń ekinshi qabatynda 2300 sharshy metr aýmaqta ornalasqan. Oıyn alańynda túrli jastaǵy balalarǵa arnalǵan sońǵy úlgidegi 18 atraktsıon, 100 oıyn avtomattary qoıylǵan. Ashylý saltanatyna oraı, moll basshylyǵy múmkinshiligi shektýli balalarǵa esigin ashyp, balalar úıleriniń tárbıelenýshilerin tegin kóńil kóterýge shaqyrǵan.

«Fanky Town» basshylyǵy jobany iske asyrýǵa kirisken sátten bastap áleýmettik jaýapkershilik qaǵıdasyn ustanǵan. Qaıyrymdylyq jumystary munymen toqtalmaıdy. Qazir Qarasaı aýdanyndaǵy barlyq balalar úılerimen baılanys ornatyp jatyrmyz. Biz sonymen qatar, Qarasaı aýdanyndaǵy mektepterde «Ozat oqýshy» dep atalatyn arnaıy shara uıymdastyramyz. Aktsııa kezinde eń úzdik oqıtyn 1-5-shi synyp oqýshylary parktiń bonýs kartalarymen marapattalatyn bolady», dedi ashylý saltanatynda «Aport» mollynyń qarjylyq damý jónindegi dırektory Dmıtrıı Revın. Onyń aıtýynsha, parkte 70-ten astam jańa jumys orny ashylyp, menedjerler Izraılde arnaıy oqýdan ótip, «Magic Planet» oıyn-saýyq jelisinde tájirıbe jınaqtap kelgen.

«Barlyq attraktsıondar men oıyn avtomattaryn Italııa, Ispanııa, AQSh, Japonııa syndy oıyn-saýyq ındýstrııasymen aınalysatyn álemdik kóshbasshy kompanııalar jasap shyǵardy. Attraktsıondar qaýipsizdiktiń barlyq talaptaryna jaýap beredi. Biz oıyn-saýyq orynynyń dızaın jaǵynan erekshe bolýyn qalaǵandyqtan, bezendirilý jaǵyn balalardyń talǵamyna qaraı, tanys mýltıfılm keıipkerlerimen zaman talabyna saı kórkemdedik. Atap óterligimiz, parkke birinshi ret Almaty aýmaǵynda qoıylmaǵan jańa 4 attraktsıon ákelindi. Attraktsıon ataýlary qazaqsha atalady. Oıyn alańynyń qyzmet quny qaladaǵy demalys oryndaryna qaraǵanda 20-30 paıyzǵa tómen. Bir attraktsıonǵa otyrý baǵasy 150-250 teńge aralyǵynda. Biz sondaı-aq aqy tóleýde kartaly júıeni engizdik», dedi parktiń basqarýshy dırektory ıÝrıı Vodoleev.