Almatyda ápkeli-sińliler pıramıdalyq chat qurǵan
ALMATY. QazAqparat - Almaty oblysynyń týmalary pıramıdalyq chat quryp, aqsha jymqyrýmen aınalysqan, dep habarlaıdy QazAqparat tilshisi.
Olar qarjylyq chatta jınalǵandardyń aqshasy kóbeıip otyrady dep aldaǵan.
Shyn máninde salymshylardyń eshqaısysy aqsha almaǵan.
«Bizdiń bólimsheniń tergeýshileri WhatsApp arnaıy qarjylyq pıramıda chatyn qurǵan ápkeli-sińlilerdiń isin tergep jatyr. Olar salymshylarǵa iri kólemde tabys túsedi dep aldaǵan. Qyzdar áleýmettik jelide múmkindik izdegen, tabysqa muqtaj adamdardy izdegen. Tanysqannan soń ózderiniń bıznes jobasymen aqsha tabýdy usynǵan. Olarmen senimdi qatynas ornatqan soń aı saıyn turaqty tabys tabý5a bolatyndyǵn aıtqan. Bastapqyda 100 myń teńgeden kem salmaǵan jaǵdaıda 1 aıdan soń 150 myń teńge tabys túsedi dep ýáde etken. Aqsha arnaıy shotqa túsken soń eshkimge qaıtpaǵan. Osylaısha tabys tappaǵan 76 adam polıtsııaǵa aryzdandy. QR QK 190-babynyń 4-bólimimen tergeý isi bastaldy», - dedi Medeý aýdandyq PB basshysy Dáýren Ótebaev.
Qyzdardyń áreketinen japa shekken azamattar bolsa 254-48-02; 254-48-09 nemese 8-700-379-79-09 nómirlerine habarlasýǵa bolady.
