Almatyda apat saldarynan jeńil kólik ózenge qulaýǵa shaq qaldy (FOTO)
ALMATY. QazAqparat - Almatyda jol apatynda eki jol talǵamaıtyn kólik soqtyǵysty. Lýganskıı kóshesimen tómen qaraı baǵytpen kele jatqan Mersedes Gelendvagen kóligi tejegishti der kezinde basa almaı aldyndaǵy SsangYong kóliginiń artynan soqqan.
Qatty soqqy Mersedesti keri aınaldyryp jiberse, San Eng avtomobıli qarama-qarsy bettegi trotýarǵa shyǵyp ketip, ózenge qulaýǵa shaq qaldy.
Jol apaty saldarynan tar kóshede birneshe saǵatqa sozylǵan keptelis oryn aldy.
Bir táýiri, oqıǵadan eshkim zardap shekken joq.
