Almatyda apat saldarynan turǵyndar sýsyz qaldy
ALMATY. QazAqparat- Almatynyń Medeý aýdanynda magıstraldy sý qubyry zaqymdaldy. Jarylǵan qubyrdy «Almaty sý» brıgadasy qalpyna keltirip jatyr, dep habarlaıdy QazAqparat tilshisi.
«Almaty sý» MKK málimetinshe, Nazarbaev dańǵyly boıymen ótetin qubyrdaǵy apatty qalpyna keltirý jumystaryna 8 birlik tehnıka men eki brıgada jumyldyryldy.
«Osyǵan baılanysty Nazarbaev dańǵylynyń boıynda Sátbaev kóshesinen Gogol kóshesine deıin ornalasqan turǵyn úıler men ákimshilik ǵımarattarǵa sý berý toqtatyldy»,-dep habarlady dep habarlady «Almaty sý» MKK baspasóz qyzmeti.
Aldyn ala málimetter boıynsha, apatqa qubyrdyń tozýy sebep bolǵan. Ol osydan elý jyl buryn paıdalanýǵa berilgen. «Buǵan deıin habarlanǵandaı, Almaty qalasy boıynsha sýmen jabdyqtaý jelileriniń 54,2 paıyzy tozǵan. Injenerlik jelilerdi qaıta jańǵyrtýdy jedeldetý maqsatynda sýmen jabdyqtaý jáne sý burý salasynda jańa tarıftik saıasatty engizý josparlanýda»,-dep atap ótti «Almaty sý» kompanııasynan.
