Almatyda apat saldarynan eki aýdannyń turǵyndary sýsyz qaldy
ALMATY. QazAqparat - «Atyraý» shaǵyn aýdany aýmaǵyndaǵy Talǵar sý taratqyshtyń birinshi tarmaǵynda apat bolyp, jer asty qubyry zaqymdaldy. Osyǵan baılanysty sý taratqysh sýmen jabdyqtaý júıesinen ajyratyldy, dep habarlaıdy QazAqparat tilshisi.
«Almaty sý» MKK málimetinshe, sýdyń aǵyp ketýi saldarynan 1 jer úıdiń aýlasyn sý basyp qaldy. Apat bolǵan jerdegi sýdy ózenge burý jumystary júrgizilip jatyr.
«Apatty qyzmetter abonentterdi apatty sý taratqyshtan basqa sý taratqyshtarǵa aýystyrý arqyly sýmen jabdyqtaý syzbasyn ózgertý boıynsha jumystar júrgizdi. Júrgizilgen jumystardyń nátıjesinde sýdy óshirý aımaǵy barynsha qysqartyldy»,- dep habarlady kompanııadan.
Apatty jaǵdaı joıylǵanǵa deıin 21 qyrkúıek saǵat 8:45-ten bastap kelesi mekenjaılar boıynsha ornalasqan ǵımarattar men turǵyn úılerge sý berý toqtatyldy:
- Medeý aýdany- «Atyraý» shaǵynaýdany, 9 eki qabatty úı, 20 JTQ, Atyraý qazandyǵy:
- Túrksib aýdany, Aısha-bıbi shaǵyn aýdany, Volochaevskaıa kóshesi, 200 JTQ, 5:
JEO-ǵa jáne basqa abonentterge sý berý shtattyq rejımde júrgiziledi.
