Almatyda apaly-sińlili tórtemder mektepke barady
ALMATY. QazAqparat - Almaty qalasyndaǵy Aınabulaq shaǵynaýdanynda ornalasqan №137 mektep bıylǵy oqý jylynda erekshe balalardy birinshi synypqa qabyldaıdy.
Apaly-sińlili tórtemder - Nuraısha, Begaısha, Janaısha jáne Gúlaısha mektep tabaldyryǵyn attaǵaly otyr.
Ata-anasy bul qyzdardy uzaq kútti.
«Týǵan kezde qyzdardyń salmaǵy 900 grammnan 1,5 kelige deıin boldy. Olardyń esimin atasy qoıdy. Alǵashynda bala kútiminen kishkene qınaldyq, biraq jaqyndarymyz qolushyn berdi», - dedi qyzdardyń ákesi Esentaı Qapar.
Qazir otbasy jańa oqý jylyna qyzý daıyndyq ústinde, mektep formasy men qajetti quraldardy satyp aldy.
«Biz áli kerekti zattardy túgel almadyq, sporttyq forma men taǵy da alatyn dúnıeler bar. Ázirge 250 myń teńgedeı jarattyq. Shyǵyndardy ózimiz kótere alamyz. Qyzdar bir synypta oqıtyn bolady. Olar 1 qyrkúıekti asyǵa kútip júr», - dedi ákesi.
Onyń aıtýynsha, tuqymdarynda egizder men úshemder buryn da bolǵan. Qyzdar týylǵan soń, 1 jyldan keıin otbasynda taǵy bir qyz dúnıege kelgen.
