Almatyda Antıkordyń jalǵan qyzmetkeri ustaldy

ASTANA. QazAqparat - Ózin Antıkordyń qyzmetkeri retinde tanystyryp júrgen 39 jastaǵy azamat Qanat Qorjybaev (burynǵy tegi Quraluly) ustaldy. Bul týraly QazAqparat Sybaılas jemqorlyq agenttigine silteme jasap habarlaıdy.

«Qanat Qorjybaev Antıkordyń qyzmetkeri retinde tanystyryp jalpy qamqorlyq kórsetkeni úshin Almaty oblysy kásiporyndarynyń biriniń basshysyna tıesili 1 mln teńge somasynda aqshalaı qarajatty alaıaqtyq jolmen ıemdendi. Jeke tintý barysynda 2014 jyly taratylǵan qarjy polıtsııasynyń qyzmetkeriniń jeke kýáligi tárkilendi. Qolda bar málimetterge sáıkes, Qurjybaev buryn da osyndaı qylmystar jasaǵan bolýy múmkin», - delingen habarlamada.

Foto: t.me/antikornews