Almatyda ánshi Tileýles Qurmanǵalıevtiń «Oıqaraǵaı» ánder jınaǵy tanystyryldy
ALMATY. 18 aqpan. QazAqparat - Almatyda ánshi Tileýles Qurmanǵalıevtyń «Oıqaraǵaı» dep atalatyn alǵashqy án jınaǵynyń tanystyrylymy boldy.
"Jetisý ánderi áli tolyq zerttelmegen. Tipti notaǵa túskenderiniń ózinde keıbir ıirimderi kórinis tappaıdy. Bul jaǵdaı Kenen Ázirbaevtyń ánderinde de baıqalady. Ábden qulaqqa sińisti bolǵan soń nemene senderdiń notalaryń ákemniń ıirimderine jetpeı qalǵan ba desem bári kúledi. Búgin Tileýles el estimegen qanshama ánderdi oryndap, qanshama adamnyń aty atalyp jatyr», - dedi Tórtkúl Kenenqyzy keshe jınaqtyń tanystyrylymy barysynda.
Onyń aıtýynsha, kóptegen mýzyka zertteýshileri halyq ánderi men halyq kompozıtorlarynyń keıbir ánderiniń avtoryn áli kúnge deıin shatastyryp júr. Sonyń biri - Jaıaý Musanyń "Sursha qyz" áni. Mundaı jaǵdaı túrli keshterde de qaıtalanýda.
