Almatyda ánshi N. Albannyń eki án jınaǵynyń tanystyrylymy ótti

Qos jınaqtyń alǵashqysy «Qarttarym aman-saýmysyń?!» dep atalady. Oǵan sheteldik rok pen qazaqy dástúrli aspaptardyń qosylýymen árlengen 11 án kirgen. Jınaqty jazýǵa belgili óńdeýshi Rýslan Butabaev atsalysqan.

«Sálem» dep atalatyn ekinshi jınaqqa rok-folk baǵytyndaǵy 12 án kirgen. Belgili sazger, óńdeýshi Oralhan Sadýaqasovtyń óńdeýimen jazylǵan ánder qazaqı dástúrli jáne zamanaýı mýzykalyq aspaptardyń qosylýymen árlengen. Qos albom Qazaqstanda bul baǵytta jazylǵan ázirshe sanaýly jınaqtar qatarynda.

Ánshiniń aıtýynsha, eki albomǵa «Úrker» tobynan bólinip shyǵyp, jeke shyǵarmashylyqpen aınalysyp júrgen ýaqytta jazylǵan ánderi kirgen. Albomdar aldaǵy ýaqytta «Meloman» dúkender jelisinde satylymǵa túspek. Odan túsken barlyq qarjy balalardyń densaýlyǵyn qorǵaýmen aınalysatyn «Aıala» qoǵamdyq qoryna aýdarylady.

Qos albomnyń tanystyrylymyna qazaqstandyq óner juldyzdary men ánshiniń jankúıerleri, zııaly qaýym ókilderi jınaldy. Shara barysynda mýzykant «Zaratushtra Band» tobynyń súıemeldeýimen jınaqqa engen ánderinen kontsert berdi. Qazaqy boıaýy ańqyǵan keshke «Ájeler toby» qatysyp, ánshimen birge án shyrqady.