Almatyda ánshi Ksenııa Ashyǵalıevanyń kúıeýin sot aqtap shyqty
ALMATY. QazAqparat – Almatyda sot ánshi Ksenııa Ashyǵalıevanyń isine qatysty úkim shyǵardy, dep habarlaıdy QazAqparat tilshisi.
2019 jyldyń 29 maýsymynda almatylyq ánshi Ksenııa Ashyǵalıeva kúıeýi Baýyrjan Ashyǵalıevtiń ózin soqqyǵa jyqqanyn aıtyp, aıyptaǵan edi.
Polıtsııa bul aryzdyń negizinde QR QK 126-babynyń 2-bólimimen sotqa deıingi tergeý isin tirkegen bolatyn.
Búgin atalǵan is boıynsha sot úkimi shyqty.
Sýdıa aıyptalýshy Baýyrjan Ashyǵalıevti qylmystyq quramy joq bolǵandyqtan aıypsyz dep tapty.
Іs materıaldaryna sáıkes, jınalǵan dálelder aıyptalýshy men kýágerlerdiń jaýaptaryna sáıkes kelmegen.
Sýdıa sonymen qatar, Almaty qalalyq PD basshysyna Baýyrjan Ashyǵalıevti zańsyz qylmystyq jaýapkershilikke tartqany úshin qaýly shyǵardy.
«Jackpot» tobynyń ánshisi Ksenııa Ashyǵalıeva men onyń kúıeýi, gıtarıst Baýyrjan Ashyǵalıevtiń arasyndaǵy otbasylyq daý-janjal kópshiliktiń nazaryna ilikken edi. Ánshi óziniń basynan ótken jaıtty áleýmettik jeli arqyly jarııalady. Onyń aıtýynsha, kúıeýi ony jertólege aparyp, uryp-soqqan.