Almatyda «Angar» dámhanasy otqa orandy
ALMATY. QazAqparat - Almatyda «Saıran» avtovokzaly aýmaǵyndaǵy «Angar» dámhanasynda órt boldy, dep habarlaıdy «QazAqparat» HAA tilshisi qalalyq TJD silteme jasap.
Órt týraly aqparat 17:43-te óz kózimen kórgen adamnan kelip túsken. «Aldyn ala berilgen derekkózderge súıensek, Tóle bı 279 meken-jaıynda ornalasqan eki qabatty «Angar» meıramhanasy órtengen. Atalǵan jerge barlyq kúshter men quraldar jiberilgen. Qazirgi tańda órt sóndirý jumystary júrgizilip jatyr, dámhanada adamdardyń bar-joǵy anyqtalýda. Qosymsha aqparattar keıinirek beriledi», - dep málimdedi Almaty q. TJD ókili Sandýǵash Baımuhambetova. 
