Almatyda anasyn óltirgen jasóspirim psıhıkalyq aýrýhanaǵa jatqyzyldy
ALMATY. QazAqparat- Kámelettik jasqa tolmaǵan almatylyqqa anasyn óltirgeni úshin medıtsınalyq sıpattaǵy májbúrleý sharalary qoldanylady, dep habarlaıdy QazAqparat tilshisi.
8 qańtarda 15 jasar jasóspirim úıinde qysqatolqyndy peshti paıdalanyp qaǵazdardy órtep jibergen. Órtti baıqaǵan ana oǵan eskertý aıtyp, otty sóndiredi. Sol sátte jasóspirim ashana pyshaǵyn alyp, onyń moıny men keýdesine birneshe ret suǵyp alǵan. Áıel oqıǵa ornynda kóz jumdy.
Sot-psıhıatrııalyq saraptamanyń qorytyndysy jasóspirim qylmys jasaý kezeńinde psıhıkalyq buzylýlarǵa baılanysty (paranoıdty shızofrenııa) óziniń áreketiniń qaýiptiligin sezine almaıtynyn anyqtady.«Kámeletke tolmaǵan jigit sot úkimimen qylmystyq jaýapkershilikten bosatyldy. Oǵan medıtsınalyq sıpattaǵy májbúrleý sharalary taǵaıyndaldy (psıhıatrııalyq statsıonarda májbúrlep emdelý»,- dedi Almaty qalalyq qylmystyq ister jónindegi mamandandyrylǵan aýdanaralyq soty.
Úkim zańdy kúshine engen joq.
