Almatyda anasyn aıaýsyz urǵan er adam qamaýǵa alyndy

ALMATY. QazAqparat- Almaty qalasynyń prokýratýrasy egde jastaǵy anasyn urǵan er adamnyń eki aıǵa qamaýǵa alynǵanyn málim etti, dep habarlaıdy QazAqparat tilshisi.

Alataý aýdandyq prokýratýra taratqan málimetke sáıkes, er adam - jábirlenýshiniń uly. Janjal qaıyn enesiniń kelinine dóreki sóıleýinen týyndaǵan.

«Ol egde jastaǵy adamǵa buzaqylyq nıetpen densaýlyqqa qasaqana (aýyrlyǵy ortasha) zııan keltirdi degen kúdikke ilindi. Prokýrorlar tergeýshiniń ótinishin qoldady jáne sot sanktsııasymen 49 jastaǵy er adam eki aıǵa qamaýǵa alyndy», - dep habarlady vedomstvadan.

Eske salaıyq, Almatyda egde jastaǵy áıeldi uryp-soǵyp jatqan er adam vıdeoǵa túsip qalǵan bolatyn.

Keıin 74 jastaǵy áıeldi óziniń uly urǵany anyqtaldy.