Almatyda anasy men balasyn qaǵyp óltirgen júrgizýshi ustaldy
ALMATY. QazAqparat - Almaty qalasynyń Buryndaı kóshesinde áıel men kishkentaı balany qaǵyp ketip, oqıǵa ornynan izin jasyrǵan júrgizýshi ustaldy, dep habarlaıdy QazAqparat tilshisi.
Jol-kólik oqıǵasy 9 tamyz kúni bolǵan edi. Buryndaı kóshesinde 23 jastaǵy kelinshek pen onyń 5 jasar ulyn «BMW» kóligi qaǵyp ketti. Áıel oqıǵa ornynda kóz jumdy. Búldirshin aýrýhanaǵa shuǵyl jetkizilgenimen, ómirin saqtap qalý múmkin bolmady.
«Júrgizýshi oqıǵa ornynan qashyp ketti. Ony izdeý úshin arnaıy jedel-tergeý toby quryldy. 1986 jyly týǵan kúdikti ustaldy. QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy. Kólik alynyp, qylmystyq is materıaldaryna tirkeldi», - dep habarlady Almaty Polıtsııa departamentiniń tergeý basqarmasynan.
Sondaı-aq polıtsııadan málim etkendeı, azamat D.-ǵa Qylmystyq kodekstiń birden eki baby boıynsha aıyp taǵylýda: 345-baby 4-bóligi – eki nemese odan kóp adamnyń ólimine ákep soǵýy jáne 347-baby – oqıǵa ornynan ketip qalý.
