Almatyda ana ólimi máselesine nazar aýdarýǵa arnalǵan «Ómirdi qoldaý» atty qaıyrymdylyq aktsııa ótedi
ALMATY. Tamyzdyń 24-i. QazAqparat /Názıra Eleýhan/ - Almatyda QR-nyń saýda-ónerkásip palatasy qala ákimdiginiń kómegimen, otandyq kórme kompanııalarmen jáne basqa da bıznes qurylymdardyń qoldaýymen "ana ólimi" máselesine nazar aýdarýǵa jáne elimizde onyń kórsetkishin azaıtýǵa baǵyttalǵan «Ómirdi qoldaý» atty qaıyrymdylyq aktsııa ótkizedi, dep habarlaıdy QazAqparat.
Aktsııa tamyzdyń 25-inen qyrkúıek aıynyń 15-ine deıin ótedi. Uıymdastyrýshylardyń aıtýynsha, shara ár qazaqstandyqqa bul ózekti másele týraly bilýine yqpal etip qane qoımaı, ana ólimi kórsetkishin azaıtýǵa úlesin qosýǵa múmkindik týǵyzady.
Sharanyń maqsaty- Almaty perınataldy ortalyqtyń eresekterge arnalǵan reanımatsııalyq bólimine medıtsınalyq qural-jabdyqtarmen qamtamasyz etý. Búginde bul ortalyq elimizdegi júkti áıelderge joǵary deńgeıli akýsherli-gınekologııalyq jáne neonatologııalyq kómek kórsetetin birden-bir medıtsınalyq mekeme bolyp tabylady.
Shara aıasynda, sondaı-aq, "Mega" saýda oıyn-saýyq ortalyǵynda qyrkúıektiń 12-i kúni qol óner sheberleriniń kórmesi ótedi. Qala jurtshylyq nazaryna jas dızaınerler men qol óner sheberleriniń týyndylary usynylatyn bolady. Sonymen qatar, kórme barysynda qazaqstandyq estrada juldyzdarynyń qatysýymen keshki kontsert pen shoý-baǵdarlamalar josparlanǵan.
Satylymnan túsken qarjylar men kelýshiler men qatysýshylar tarapynan túsken erikti kómekter qaıyrymdylyq maqsatyna beriletin bolady.
Uıymdastyrýshylardyń aıtýynsha, Qazaqstanda ana ólimi áli de joǵary deńgeıde. "2009 jylǵy kórsetkishtiń nátıjesi boıynsha 36,9 paıyzdy qurap otyr. Bosanýshy 100 myń áıeldiń 133-i dúnıeden ótýde. Ana óliminiń 62 paıyzyn aldyn alýǵa bolar edi. Ókinishke oraı, otandyq medıtsınalyq mekemelerdiń 57 paıyzy ǵana jaqsy jabdyqtalǵan", deıdi uıymdastyrýshylar.
