Almatyda ammıaktan ýlanyp, jansaqtaý bólimine túsken úsh naýqastyń ekeýi palataǵa aýystyryldy

ALMATY. QazAqparat – Almatydaǵy «Shın-Laın» kompanııasynyń tsehynda tógilgen ammıaktan bes adam ýlanyp, aýrýhanaǵa túsken bolatyn. Búgin jansaqtaý bóliminde jatqan eki naýqastyń beti beri qarap, palataǵa aýystyryldy, dep habarlaıdy QazAqparat tilshisi.

«Búginde úsh naýqas toksıkologııa bóliminde jatyr. Jaǵdaılary ortasha aýyrlyqta, turaqty. Bir naýqas áli jansaqtaý bóliminde. Palataǵa aýystyrýǵa daıyndyq júrip jatyr», - dedi Almaty qalalyq qoǵamdyq densaýlyq saqtaý departamentiniń baspasóz qyzmeti.

Aıta keteıik, 7 maýsym kúni tańerteń Almatydaǵy balmuzdaq zaýytynyń 5 jumysshysy ammıaktan ýlanyp, aýrýhanaǵa túsken bolatyn. Bul fakt sotqa deıingi tergeýlerdiń biryńǵaı tiziliminde QR Qylmystyq kodeksiniń 156-babymen («Eńbekti qorǵaý qaǵıdalaryn buzý») tirkeldi.