Almatyda Amantaı Dándiǵulovtyń «Shyńǵys han urpaqtary Makıvellıdiń kózimen» atty kitaby tanystyryldy
ALMATY. 15 sáýir. QazAqparat /Erbol Azanbek/ - Búgin Almatyda jýrnalıst, jazýshy Amantaı Dándiǵulovtyń «Shyńǵys hannyń urpaqtary Makıavellıdiń kózimen» atty eki tomdyq kitabynyń tanystyrylymy boldy.
Kitapta avtor qazirgi qazaqstandyq qoǵamnyń rýhy, mádenıeti jaıly sóz qozǵaıdy. Tazarýǵa, jańarýǵa, birigýge, qoǵamdy jamanshylyqtan aryltýǵa jol izdeıdi. Kitap polemıka janrynda jazylǵan.
Reseılik «Moskovskıe novostı» gazetiniń saıası sholýshysy Arkadıı Dýbnovtyń aıtýynsha, kitap avtory Qazaqstannyń táýelsizdik jyldary júrip ótken jolyna tereń úńilýge tyrysqan. «Ol qoǵamdaǵy jaǵdaıǵa qarap, qaıda baramyz, ne isteldi, endi ne isteý kerek degen suraqtar qoıady»,-deıdi A.Dýbnov.
Kitap Reseılik «Novaıa gazetanyń» kitaphanasy serııasy boıynsha shyǵarylǵan.
«Novaıa gazeta» AQ bas dırektorynyń orynbasary Valerıı Shırıaevtiń aıtýynsha, Amantaı Dándiǵulov bul serııamen esseleri men maqalalaryn basyp shyǵarýǵa talpynǵan birinshi sheteldik avtor. «Materıaldardy redaktsııa óte muqııat tańdaıdy, kezdeısoq adamdar basylyp shyqpaıdy. Buǵan deıin bul serııa boıynsha ıÝrıı Şekochıhın, Irına Hakamada, Mıhaıl Kasıanov pen Borıs Nemtsovtyń kitaptary jaryq kórdi.
A.Dándiǵulov buǵan deıin QR jýrnalıster odaǵy syılyǵynyń «Saıası sholý» atalym júldesine ıe bolǵan. «Novaıa gazeta Qazaqstan» gazetiniń bas redaktory. Bıylǵy jyly onyń Táýke han handyq qurǵan kezeńi týraly kórkem povesti jaryqqa shyǵady.
