Almatyda «Aman keleshek» ınklıýzıvti festıvali ótti

ALMATY. QazAqparat - Almatyda balalar men jasóspirimderge arnalǵan «Aman keleshek» VI Respýblıkalyq ınklıýzıvti festıvali ótti, dep habarlaıdy QazAqparat tilshisi.

Bıyl «Aman keleshek» festıvali jańa formatta ótti. Іs-shara daryndy jas qazaqstandyqtardyń jáne estrada juldyzdarynyń qatysýymen kontserttik baǵdarlamamen bastaldy. Kishkentaı bıshiler horeografııalyq nomerlerdi oryndady.

«Aman keleshek» festıvaliniń negizgi maqsaty - qazaqstandyq qoǵamda keń ınklıýzıvtik kózqarasty ilgeriletý. Bul joba «ınklıýzııa» uǵymyn ártúrli turǵydan ashýǵa múmkindik beredi. Óıtkeni búginde kópshilikte ınklıýzııa damý erekshelikteri bar adamdardy belsendi qoǵamdyq ómirge tartýdy ǵana kózdeıdi degen senim qalyptasqan, biraq ınklıýzııaniń quraldary kóp. Bizdiń mindetimiz, eresek adamdar, basqalar sııaqty dúnıege kelmegen balalarǵa qatysty durys qoldanýdy úırený. Sondaı-aq, erekshe qurdastarymen qarym-qatynas jasaı alatyn, sonymen qatar kez kelgen jaǵdaıda ózderi de kómektesetin ınklıýzıvti ortada normotıpti balalardy tárbıeleý. Al barlyǵy oıyndardan, master-klasstardan jáne estafetalardan bastalady. Sondyqtan da «Aman keleshek» festıvali úlken ınteraktıvti alań bolyp tabylady, onda árbir bala ózin qoǵam úshin mańyzdy jáne qajetti sezinedi. Árkim óziniń áleýmettik mártebesine qaramastan, óziniń áleýetin sezinetin, óziniń daryndylyǵyn damytý múmkinshiligin tapqan, erekshe qabiletterin kórsetetin el básekege qabiletti bola alady», — dep atap ótti Almatydaǵy Tuńǵysh Prezıdent Qory ókildiginiń dırektory Sergeı Toqtarov.

Festıval qatysýshylaryn, QR bala quqyqtary jónindegi ýákili Arýjan Saın quttyqtady.

«Men osy sharaǵa qatysyp jatqan barlyq balalardy quttyqtaımyn. Meniń oıymsha, Qazaqstanda balalardy shabyttandyratyn, olarǵa ózderin kórsetýge, talanttardy ashýǵa, bir-birimen sóılesýge múmkindik beretin merekelerdiń kóp bolýy kerek. Mundaı jobalar kóptegen kontsertter men kópshilik is-sharalarǵa qaraǵanda áldeqaıda paıdaly. Al munda árbir bala ózderimen birge úlken tájirıbe, jańa tanysýlar, shabyt alyp, kelesi jyly festıvalge qatysýǵa tyrysady», - dedi Arýjan Saın.

Sharanyń ekinshi bólimi úsh negizgi taqyryptyq bloktan turdy – bilim berý, shyǵarmashylyq jáne sport.

«Bilim» sektsııasynda damý erekshelikteri bar balalar ınklıýzıvti bilim alýǵa baǵyttalǵan qazaqstandyq JOO týraly bildi. Ýnıversıtet ókilderi oqý granttary baǵdarlamasyn tanystyrdy, sondaı-aq bolashaqta múmkindigi shekteýli balalar ózderin kórsete alatyn mamandyqtar týraly áńgimeledi.

«Shyǵarmashylyq» alańda barlyq tilek bildirýshiler úshin ınklıýzıvti baǵdarlamalar negizinde sýret jáne keskindeme, qaǵaz úlgileý, sándik-qoldanbaly óner jáne florıstıka sııaqty tórt baǵyt boıynsha sheberlik sabaqtar ótkizildi. Ár jastaǵy balalar ózderiniń tálimgerlerimen ár túrli applıkatsııalar jasady.

«Aman keleshek» festıvaline, elimiz boıynsha úsh myńǵa jýyq bala qatysty.