Almatyda Amalbek Tshanovtyń júldesine arnalǵan V halyqaralyq týrnır ótedi
ASTANA. QazAqparat - Sáýirdiń 20-sy men 24-i aralyǵynda bokstan QSRO-nyń sport sheberi, QR eńbek sińirgen bapkeri Amalbek Tshanovtyń júldesine arnalǵan V halyqaralyq týrnır ótedi, dep habarlaıdy QazAqparat.
Sporttyq jáne aqparattyq HAB-tyń taratqan málimetine súıensek, jarys respýblıkalyq sport kolledjiniń jeńil atletıka manejinde ótedi. Týrnırdiń basty maqsaty boksty jastar arasynda damytý jáne olardy sport sheberligine daıyndaý.
Týrnırge tek sport sheberligine úmitker 2000-2001 jylǵy týǵan jas boksshylar ǵana qatysa alady. Olar 10 salmaq dárejesi boıynsha 49, 52, 56, 60, 64, 69, 75, 81, 91, +91 ózara myqtyny anyqtaıdy.
Jeńimpazdar men júldegerler gramota, medal jáne baǵaly syılyqtarǵa ıe bolady. Sonymen qatar, «Týrnırdin úzdik boksshysy» jáne «Úzdik tóreshi» nomınatsııalary boıynsha marapattaý rásimi ótedi.
