Almatyda alyp aǵash avtokólikti basyp qaldy
ASTANA. 12 shilde. QazAqparat - Almatyda keshe keshke asa úlken aǵashtyń qulaýynan eki avtokólik zardap shekti, olar aıtarlyqtaı dárejede janshylyp qaldy.
i-News.kz habarlaǵandaı, keshe saǵat 18.00 shamasynda jergilikti ýaqyt boıynsha kópjyldyq qaraǵash turaqtaǵy avtokólikterdi basyp qaldy. Subaru kóligi bárinen de aıtarlyqtaı japa shekken, kólik tóbesine qulaǵan aǵash ony myjyp tastaǵan. Ekinshi kólikti aǵash tek azdap janap ótipti.
Aıta keteıik, oqıǵa saldarynan adamdar zardap shekken joq. Buzylǵan Subaru avtokóliginiń ıesi sotqa shaǵymdanbaqshy. Oqıǵa ornyna jaqyn mańda ornalasqan úı ıeleri kópjyldyq qaraǵashtyń túbine aryqqa quıǵan jańbyr sýy uzaq ýaqyttan beri jınalyp qalǵanyn jáne erte me, kesh pe onyń qulaıtyny anyq bolǵanyn aıtady.
