Almatyda altynshy ret «FourE» eko-etnofestıvali ótedi
ALMATY. QazAqparat - Almatylyqtar VI halyqaralyq eko-etnofestıvalin ótkizýge daıyndalyp jatyr. Mádenı shara 14-16 tamyz aralyǵynda Almaty oblysy Kosmos aýylynda ótedi.
Festıvaldiń bıylǵy urany «fourE 4ever». Orta Azııadaǵy eń aýqymdy eko-etnofestıvalge 10 000 adam keledi dep boljanyp otyr. «Festıval 4 baǵytta ótedi. Etno-keńistikte qatysýshylar ulttyq mýzykamen sýsyndasa, Evo-keńistikte tán jáne rýhanı damýdyń sheberlerinen sheberlik sabaqtaryn alýǵa bolady. Emo-keńistikte balalarǵa arnalǵan damytý sabaqtary, oıyndar uıymdastyrylady. Eko-keńistikten kelýshiler eco handmade gifts kórmesin tamashalap, qolóner buıymdaryn satyp ala alady. Bıyl oǵan ADD keńistigi qosylady. Munda bı, sporttyq oıyndar, saıystar, cross fit taǵy basqa sharalar uıymdastyrylady», - delingen qalalyq mádenıet basqarmasynyń baspasóz habarlamasynda.
