Almatyda «Altyn júrek» syılyǵynyń jeńimpazdardy anyqtalýda
ALMATY. Qazannyń 4-i. QazAqparat /Názıra Eleýhan/- Almatyda ІV-shi jylsaıynǵy qoǵamdyq-ulttyq «Altyn júrek» syılyǵynyń sarapshylyq jáne qoǵamdyq keńesteriniń otyrysy bolyp jatyr.
Úsh kúnge sozylatyn otyrys barysynda syılyqqa úmitkerler men jeńimpazdardyń esimderi anyqtalatyn bolady. Sarapshylyq keńes ótinish bergen barlyq qatysýshylar ishinen ár atalym boıynsha úsh úmitkerdi tańdap alsa, Qoǵamdyq keńes úmitkerlerdiń arasynan ár júlde boıynsha jeńimpazdy anyqtaıdy. Qazylar quramynda BAQ músheleri, úkimettik emes uıymdar, memlekettik bılik organdary men jergilikti basqarý organdarynyń jáne kommertsııalyq uıymdardyń ókilderi bar. Jeńimpazdardy marapattaý rásimi qazan aıynyń 27-i kúni Astana qalasynda ótedi. Atalmysh joba elimizdegi qaıyrymdylyqty damytýǵa arnalǵan.
«Ótken jyly bul sharaǵa 90-daı ótinish tússe, bıyl 150-den asa ótinish tústi. Jyldan jylǵa «altyn júrekti» jandardyń artyp kele jatqandyǵy biz úshin qýanttarlyq jaǵdaı. Bıyl óz ynta-yqylasymen ótinish jibergenderdiń sany kóp. Barlyq úmitkerler laıyqty adamdar dep bilemin. Olaı deýime sebep, men ár ótinishti qarap shyqtym. Mysaly, «Jetim balalarǵa qamqorlyq» atalymy boıynsha 10 úmitker bar. Olardyń ár biriniń isteri marapatqa laıyqty», dedi uıymdastyrý komıtetiniń tóraıymy Juldyz Omarbekova.
Sarapshylyq keńestiń múshesi, Adam urpaǵyn órbitý ınstıtýtynyń dırektory Saltanat Baıqoshqarovanyń aıtýynsha, elimizde kómekke zárý, járdemdi qajet etetin adamdar kóp. «Memleket bárine birdeı kómektese de, qamtı da almaıdy. Ómirde jetistikke jetken adamdar muqtaj adamdarǵa qol úshin berip, qandaı da bir máseleni sheshýshe atsalysqany bizdi qýantady. Olardyń ıgilikti isterin el, halyq bilýge tıis. Bárimizge úlgi bolatyn adamdarǵa alǵysty bildiretin, pash etetin mundaı jobanyń bolǵany durys dep sanaımyn. Bul - naǵyz saıası-tárbıelik mańyzy bar, elimizge kerekti joba», dedi S.Baıqoshqarova.
