Almatyda «Altyn juldyz» syılyǵynyń ıegerleri marapattaldy
ALMATY. 11 maýsym. QazAqparat - Búgin Almatyda Qazaqstan jýrnalıster akademııasynyń «Altyn juldyz» joǵary jalpyulttyq jýrnalıstıka syılyǵynyń 2013 jyly ıegerlerin marapattaý rásimi ótti.
Oǵan bul joly Óskemendegi «Rýdnyı Altaı» aımaqtyq gazeti jáne Almatydaǵy KTK telearnasynyń telejýrnalısi Artýr Platonov pen «Atamura» korporatsııasynyń shyǵarmashylyq ujymy ıe boldy.
«Búgingi istelip jatqan mádenı sharalardyń bári Baspasóz kúnine oraı uıymdastyrylyp otyr. Qazaqta: «Kúsh - bilimde, bilim - kitapta, muhıt basy - bulaq, bilim basy - kitap» degen sóz bar. Bizdiń áriptesterimiz eńbekterimizdi eskerip, marapattap jatyr. Biz óz deńgeıimizde atymyzǵa saı jumys isteımiz dep oılaımyn», - deıdi «Atamura» korporatsııasynyń prezıdenti, QR eńbek sińirgen qaıratkeri Rahymǵalı Qul-Muhammed.
Qazaqstan jýrnalıster akdemııasynyń prezıdenti Saǵymbaı Qozybaevtyń aıtýynsha, «Altyn juldyz» syılyǵynyń ıegerlerin akademııanyń 46 múshesi daýys berý arqyly anyqtaǵan.
