Almatyda Altyn Ordanyń 750 jyldyǵyna arnalǵan kitap kórmesi ashyldy
Dóńgelek ústeldiń maqsaty - óskeleń urpaqqa ata-babamyzdan mura bolyp qalǵan uly dalamyzda oryn alǵan tarıhı oqıǵalar men Qazaq dalasynda osydan segiz ǵasyr buryn qurylǵan alyp ımperııa Altyn Orda memleketiniń tarıhyn dáriptep, tanystyrý.
«Altyn Orda– Eýrazııa aýmaǵyndaǵy Túrik qaǵanatynan keıin qurylǵan ekinshi Eýrazııalyq memleket. Qazaqstan aýmaǵyndaǵy tarıhyna 3 myń jyl boldy desek, bul sol memlekettiliktiń HІІІ-HV ǵǵ kórinisi. Sonymen qatar, Altyn Orda úsh ǵasyr ómir súrgen zamanynda óziniń terrıtorııasyndaǵy kóptegen halyqtardyń etnıkalyq, saıası tarıhyna memlekettiń damýyna kóp yqpal etti. Tipti, kórshi Resseıdiń tarıhynda da Altyn Oradanyń ózindik orny bar. Al, qazirgi túrki tildes halyqtardyń ishinde birnesheýi ǵana ózin Altyn Ordanyń tikeleı zańdy muragerimiz dep sanaı alady. Ol árıne birinshi qazaq halqy jáne Qyrym tatarlary. Ókinishke oraı, kóptegen ulttar men ulystar joıylyp ketti»,- deıdi tarıh ǵylymdarynyń doktory Bereket Káribaev.
Sonymen qatar, shara aıasynda QR Ulttyq kitaphana qorynan «Altyn Orda memleketi – Uly dala órkenıeti» atty turaqty kitap kórmesi ashyldy. Kitap kórmesi alty bólimnen turady: «Altyn Ordanyń qurylýy», «Altyn Orda týraly tarıhı-ǵylymı kitaptar», «Altyn Orda handary», «Altyn Orda kezindegi qalalar», «Altyn Orda dáýirindegi ádebıetter», «Altyn Orda týraly ádebıetter».
Sondaı-aq, kórmege «Mádenı mura» baǵdarlamasy aıasynda sheteldegi kitaphanalardan jetkizilgen Altyn Orda handarynyń hattary da qoıylǵan.
Sharaǵa belgili qoǵam qaıratkerleri, zııaly qaýym ókilderi, tarıhshylar men aqyn – jazýshylar qatysty.
Eske salaıyq, Memleket basshysy Qasym-Jomart Toqaev óziniń Qazaqstan halqyna joldaýynda jáne «Ulytaý - 2019» halyqaralyq týrıstik forýmynda Altyn Ordanyń 750 jyldyǵyn merekeleý aıasynda birqatar jumys jasaý kerektigin atap ótken bolatyn.
foto: kazakh-tv.kz
