Almatyda «Altyn orda» bazary mańyndaǵy avtojol asfalttalady

ALMATY. QazAqparat - Almatyda «Altyn orda» bazary mańyndaǵy tasjolǵa asfalt tóseledi, dep habarlaıdy QazAqparat tilshisi.

«Qazavtojol» «UK» AQ-nyń baspasóz qyzmeti habarlaǵandaı, bıyl Almaty - Bishkek tas jolynyń 16-dan 19-shaqyrymyna deıingi aralyqtaǵy ústińgi qabatyna asfalt tóseledi. Naqty merzim memlekettik saraptama nátıjesinde anyqtalady.

«Mamandar asfalt tósemes buryn jol boıyna trotýar salyp, jerasty ótkelderiniń shatyryn jabady jáne ony boıaıdy. Sonymen qatar qorshaý ornatyp, jol tańbasyn syzady»,- dep atap ótti kompanııanyń baspasóz qyzmeti.

Buǵan deıin «QazAvtoJol» ulttyq kompanııasy» AQ «Altyn Orda» bazary mańyndaǵy ekinshi jol aıryǵynyń qurylysy qashan aıaqtalatynyn aıtqan bolatyn.

Eske salaıyq, 2021 jyldyń jeltoqsan aıynyń sońynda «Altyn orda» bazary mańyndaǵy «Almaty-Raıymbek» ýchaskesinde jańa bas magıstraldyq estakada paıdalanýǵa berildi.

Avtojol ýchaskesinde basty magıstraldyq estakada, «taǵa» úlgisindegi burylys estakadasy, Aqsaı ózeni arqyly ótetin kópir jáne jerústi jaıaý júrginshiler kópiri salyndy.