Almatyda “Altyn kúz áýenderi” án keshi ótedi
ALMATY. Qazannyń 23-i. QazAqparat /Erlik Erjanuly/ - Búgin keshke Almatydaǵy Qazaqkontsert zalynda "Altyn kúz áýenderi" dep atalatyn án keshi ótedi,
dep habarlaıdy QazAqparat.
Ony "Qazaq áýenderi" AQ-y men Qazaqkontsert óner birlestigi birigip uıymdastyryp otyr. Bul sharaǵa Qazaqkontsert birlestiginiń ónerpazdarynan - Baǵdat Sámedınova, Aıjan Nurmaǵambetova, Súleımen Ibragımov, Maıra Dáýletbaqova, Sembek Jumaǵalıev, Erkin Shúkimanov, Nurjan Janpeıisov, Farhat Eskeneev, Qurmanbek Álimǵazyuly, Bıbigúl Qılymhan, Perızat Omarbekova jáne "Álqıssa" ult aspaptar orkestri qatysady.
Qazaqkontsert óner birlestigi Jambyl atyndaǵy fılarmonııanyń estrada sektory negizinde 1960 jyly qurylǵan bolatyn. Onyń basty maqsaty - qazaq halqynyń mýzyka mádenıeti men murasyn nasıhattaý. Qazaqkontsert birlestiginiń alǵashqy quramynda - Sh. Jıenqulova, M. Erjanov, J. Omarova, J. Elebekov, G. Baıazıtova, R. Esimjanova, Ú. Turdyqulova, N. Tapalova, R. Baǵlanova, M. Hamzın sekildi Qazaqstannyń halyq ártisteri óner kórsetken bolatyn.
